ЦХИНВАЛ, 7 июль – Sputnik. Цæгат Ирыстоны ирвæзынгæнджытæ Ирæфы районы хохæй æристой самарæйаг туристкæйы. Сылгоймагæн 2950 метры бæрзæндыл бахъыгдард йæ къах. Бынатмæ уайтагъд атындзыдта ирвæзынгæджыты къорд.
Операци зынвадат ран кæй цыдис, уымæ æнæкæсгæйæ рауад æнтыстджын. Уæлвæткон уавæрты министрады кусджытæ архайдтой куыд зæххыл, афтæ уæлдæфы дæр. Альпинисткæйæн бакодтой фыццаг æххуыс æмæ вертолет æрбадын кодтой Джызæлы аэродромы, уым та йæ радтой тагъд медицинон æххуысы бригадæйы къухтæм.