ЦХИНВАЛ, 7 июль – Sputnik. Абон Цхинвалы йæ фæстаг фæндагыл арвыстой сæрмагонд æфсæддон операцийы фæмардуæвæг хæстон Бикойты Игоры.
Фыдохы митингмæ æрæмбырд сты Хуссар Ирыстоны разамынды минæвæрттæ премьер-министр Джуссойты Константины сæргълæудæй, Уæрæсейы минæвар Хуссар Ирыстоны Марат Кулахметов, тыхон структурæты кусджытæ, æфсæддон службæгæнджытæ, Игорæн йæ хæлæрттæ æмæ йæ хиуæттæ.
Бикойты Игорь сæрмагонд æфсæддон операцимæ ацыд афæдзы размæ. Æнæ фыдæй баззадис йæ иунæг чызг.
Хуссар Ирыстоны президенты номæй хицауады сæрдар Джуссойты Константин хъæбатыр хæстоны хиуæттæм радта "Фыдыбæстæ хъахъхъæнæджы" майдан.