ЦХИНВАЛ, 11 июль – Sputnik. Цхинвалы официалон æгъдауæй байгом кодтой Промсвязьбанкы (ПСБ) минæварад. Мадзалы бацархайдтой республикæйы хицауады сæрдар Джуссойты Константин, Уæрæсейы минæвар Хуссар Ирыстоны Марат Кулахметов æмæ республикæйы базарадон минæвар Уæрæсейы Гогинов Таймураз.
Банчы сæрдары хæдивæг Михаил Дорофеев куыд загъта, афтæмæй ПСБ Хуссар Ирыстоны пенсиисджытæн ныридæгæн радта 1700 картæйæ фылдæр. Бафиппайдта уый дæр, æмæ ныр республикæйы цæрæг уæрæйаг пенсиисджытæн зынгæ фенцондæр уыдзæн, уымæн æмæ сæ картæимæ баст хъуыддæгты тыххæй республикæйæ цæуын нал хъæудзæн.