Хуссарирыстойнаг ансамбль "Кафт" хайад райсдзæн культурон форумы Мæскуыйы

Sputnik
ЦХИНВАЛ, 24 июл – Sputnik, Джиоты Георгий. Хуссар Ирыстоны культурæйы министрады цур Хореографион ансамбль "Кафт" хайад райсдзæн сывæллæтты культурон форумы Мæскуыйы 21-æй 23-æм августмæ, фехъусын кодта Sputnik-æн ансамблы хореограф Джиоты Къоста.
"Ацы форумы хайад райсыны фадат нын уыд Хуссар Ирыстон æмæ Уæрæсейы Федерацийы культурæйы министрæдты æхсæн комкоммæ контактты руаджы", - радзырдта хореограф.
Йæ ныхæстæм гæсгæ, форумы ансамбль бавдисдзæн кафæн номыр "Рог кафт".
Джиоты Къоста бафтыдта, зæгъгæ, конкурсы хайадист ахъаз уыдзæн сывæллæтты профессионалон рæзтæн.