ЦХИНВАЛ, 30 июл – Sputnik. Хуссар Ирыстоны Мидхъуыддӕгты министрады (МХМ) кусджытӕ ӕрцахстой республикӕйы дыууӕ цӕрӕджы хӕцӕнгарз ӕвӕрын ӕмӕ наркотикон буарадимӕ зайӕгойты культивацийы тыххӕй, фехъусын кодтой уагдоны пресс-службӕйы.
Дзауы районы оперативон-сгарӕн мадзӕлтты рӕстӕджы 65-аздзыд бынӕттон цӕрӕгмӕ ссардтой гӕны дыууӕ къутӕры. Нӕлгоймаг не сразы рацӕуын медицинон басгӕрст.
Цхинвалы мидхъуыддӕгты хайады кусджытӕ 58-аздзыд цӕрӕджы хӕдзары басгӕрсты рӕстӕджы ссардтой 16-ӕм калибры цуанон хӕцӕнгарз ӕмӕ фараст нӕмыджы. Афтӕ ма йӕм ссардтой гӕны цыппар къутӕры дӕр. Медицинон басгӕрст сбӕлвырд кодта, нӕлгоймаг кӕй пайда кодта наркотиктӕй.