ЦХИНВАЛ, 5 сен — Sputnik. УФ президент Владимир Путин Скӕсӕйнаг экономикон форумы пленарон рабадты рӕстӕджы фехъусын кодта, Уӕрӕсе кӕй размӕ кӕндзӕн Трансарктикон транспортон къӕлидор.
Скӕсӕйнаг экономикон форум цӕуы 3-6 сентябры Владивостокы.
"Мах размӕ кӕндзыстӕм Трансарктикон къӕлидор. Мах ӕдзух дзурӕм Цӕгаттаг денджызон фӕндагыл, фӕлӕ ӕз дзырдтон ӕмӕ дзурдзынӕн Трансарктикон къӕлидоры ахсджиагдзинады тыххӕй", - загъта президент.
Путин бафтыдта, зӕгъгӕ, ацы маршрутмӕ интерес ис куыд уӕрӕсейаг компанитӕн, афтӕ фӕсарӕйнӕгтӕн дӕр.
"Уый у комплексон системӕ, кӕцы хъуамӕ ӕрбаиу кӕна денджызон, ӕфсӕнвӕндагон ӕмӕ автомобилон транспорт. Уый руаджы пайда кӕндзыстӕм нӕ егъау цӕугӕдӕттӕ – Обь, Енисей ӕмӕ Ленайы потенциалӕй. Алцыдӕр хъуамӕ куса иу системӕйы", - загъта уӕрӕсейаг лидер.