ЦХИНВАЛ, 18 сен – Sputnik, Дзӕгъиаты Олег. Ирон спортсменкӕ Кӕсӕбиты Алина рамбылдта ӕвзист майдан дунейы чемпионаты хъӕбысхӕстӕй Хорватийы.
Кӕсӕбиты Алина архайдта 65 килограммы уӕзы категорийы. Финалмӕ фӕндагыл Алина рамбылдта тынг фидар ӕмӕ номдзыд спортсменкӕты.
Дунейы чемпионаты финалон тохы ирон спортсменкӕ фембӕлд ацы уӕзы сӕйраг фаворит – дуне ӕмӕ Азийы чемпионкӕ Миво Морикаваимӕ Японийӕ. Хъыгагӕн Кӕсӕбиты Алина ацы тохы фембылд 8:0 хыгъдӕй ӕмӕ райста ӕвзист майдан.
Кӕсӕбиты Алинайыл цӕуы 23 азы. Ирон спортсменкӕ дыууӕ хатты рамбылдта Уӕрӕсейы чемпионат (2022 ӕмӕ 2023), афтӕ ма рамбылдта Европӕ ӕмӕ дунейы фыццагадтӕ ӕрыгӕтты ӕхсӕн.