ЦХИНВАЛ, 18 сен – Sputnik, Плиты Фатимӕ. Хуссар Ирыстоны столицӕйы райдыдта йӕ куыст фыццаг Ӕхсӕнадӕмон экономикон форум "Южная Осетия. Горизонты инвестиций".
Форум ӕрбаиу кӕндзӕн хицауад, бизнес ӕмӕ экспертон ӕхсӕнады минӕвӕртты. Форумы сӕйраг фӕзуат у спортивон комплекс "Олимп".
Форум бакӕныны церемонийы раныхас кодта президент Гаглойты Алан.
"Мах гом стӕм ӕмгуыстадӕн ӕмӕ ӕнхъарӕм инвестортӕн фидар гарантитӕ ӕмӕ паддзахады алыварсон ӕххуыс. Нӕ нысан у саразын кусӕгон атмосферӕ, цы ран алкӕцы сом дӕр ахъаз уыдзӕн республикӕйы райрӕзтӕн", - бахахх кодта паддзахады сӕргълӕууӕг.
Гаглойты Алан ранымадта инвестицитӕ ӕрбаздахыны сӕйраг здӕхтытӕ – сӕудӕджерад, агросӕудӕджерадон комплекс, туризм ӕмӕ уазӕгдӕтты бизнес.