ЦХИНВАЛ, 24 сен — Sputnik, Плиты Фатимæ. Хуссар Ирыстоны Ленингоры районы Орчъосаны хъæуы фæуд кæны культурæйы хæдзары капиталон цалцæг, фехъусын кодта Sputnik-æн районы администрацийы пресс-службæйы хистæр Кокойты Анжела.
Йæ ныхæстæм гæсгæ, арæзтадон куыстытæ райдыдтой сентябры райдианы.
"Цалцæггæнæн куыстыты фæстæ культурæйы хæдзар нырма бирæ азты дæргъы уыдзæн Орчъосаны æхсæнадон æмæ культурон царды центр", - бахахх кодта Ленингоры районы администрацийы сæргълæууæг Уалыты Муртаз.
Культурæйы хæдзар арæзт æрцыд 1980-æм азты, ацы ран кусынц библиотекæ æмæ хореографион къорд.