ЦХИНВАЛ, 24 сен — Sputnik, Плиты Фатимæ. Цхинвалы ацæудзæн Уæрæсейы Федерацийы культурон инициативæты президентон фонды генералон директор Роман Кармановы лекци. Хуссар Ирыстоны президенты администрацийы сæргълæууæджы хæдивæг Тыбылты Алан куыд фехъусын кодта Sputnik-æн, афтæмæй куырдиæттæ чи бадæттой, уыдон ссисты ахуырадон программæйы хайадисджытæ.
Лекци райдыдта 9.30 сахатыл Паддзахадон драмон театры, ахуырадон семинартæ та райдайдзысты 13.30 сахатыл Анахарсисы номыл республикон библиотекæйы бæстыхайы.
Ахуырадон семинарты программæ цæудзæн цалдæр боны дæргъы. Фыццаг бон хайадисджытимæ фембæлдзæн культурон инициативæты президентон фонды гендиректор Роман Карманов.
Уæрæсейы культурон инициативæты президентон фонды минæвæрттæ Роман Кармановы сæргълæудæй æрцыдысты кусæгон балцы Цхинвалмæ. Республикæйы цæудзысты ахуырадон программæтæ гранттимæ кусыны фæдыл.