ЦХИНВАЛ, 25 сен — Sputnik, Дзӕгъиаты Олег. Хуссар Ирыстоны президент цыппӕрӕмы ауагъта оперативон рабадт республикӕйы тыхон структурӕты разамонджытӕ ӕмӕ минӕвӕрттимӕ.
Мадзалы рӕстӕджы паддзахады сӕргълӕууӕг бузныг загъта ӕппӕт тыхон структурӕтӕн Хуссар Ирыстоны фыццаг ӕхсӕнадӕмон экономикон форумы рӕстӕджы цы профессионализм ӕмӕ раст архӕйдтытӕ кодтой, уый фӕдыл.
"Мӕ хъуыдымӕ гӕсгӕ, тыхон блок бакуыста иттӕг хорз. Алцыдӕр ацыд ӕнӕ провокацитӕй. Тынг хорз у, Форумы рӕстӕджы кӕй уыд ӕнгом ӕмархайд уӕрӕсейаг коллегӕтимӕ", - банысан кодта президент.
Гаглойты Алан бахӕс кодта тыхон структурӕты разамонджытӕн, цӕмӕй зӕгъой бузныджы ныхӕстӕ ӕппӕт кусджытӕн республикӕйы къухдариуӕгады номӕй.