ЦХИНВАЛ, 29 сен – Sputnik. Хуссар Ирыстоны президент Гаглойты Алан ауагъта кусæгон фембæлд æнæниздзинад хъахъхъæнынады министр Наниты Сосланимæ, цы ран дзырд цыд батальон "сæрмæт"-ы фæцæфуæвæг командир Наниты Владимиры ("Че Гевара") æнæниздзинады уавæр æмæ ног медицинон ифтонггарз скусын кæныны фарстыл, хъусын кæны паддзахады сæргълæууæджы пресс-службæ.
Министр радзырдта президентæн, Наниты Владимир ныртæккæ кæй ис горæт Ростовы медицинон уагдоны бæрзонд квалификациимæ специалистты цæстдарды бын. Хæстоны ракæндзысты централон æфсæддон-клиникон организацимæ дарддæры хоскæнынадæн æмæ протез сæвæрынæн.
Министр ма фехъусын кодта президентæн, уæрæсейаг коллегæтæ кæй радтой Хуссар Ирыстоны æнæниздзинад хъахъхъæнынады министрадæн æппæт медицинон ифтонггарз.
"Абонæй райдайдзæн медицинон ифтонггарзы монтаж", - бахахх кодта Наниты Сослан.
Гаглойты Алан бахæс кодта, цæмæй дарддæр дæр ацы фарстытæ уой министры цæстдарды бын.