ЦХИНВАЛ, 15 окт — Sputnik. Цхинвалы ӕртыццӕджы ацыд номдзыд поэт, публицист, нывгӕнӕг ӕмӕ ирон литературон ӕвзаджы бындурӕвӕрӕг Хетӕгкаты Къостайы цыртдзӕвӕнмӕ дидинтӕ сӕвӕрыны цытджын церемони.
Ӕппӕт Ирыстон 15 октябры нысан кӕны Хетӕгкаты къостайы 166-ӕм райгуырӕн бон.
Хуссар Ирыстоны столицӕйы центры номдзыд поэты цыртдзӕвӕны раз скъоладзаутӕ сӕххӕст кодтой националон кӕфтытӕ ӕмӕ бакастысты Къостайы ӕмдзӕвгӕтӕ.
Хетæгкаты Къоста у иууыл зындгонддæр ирон фыссæг. Йе ‘мдзæвæгæтæ тæлмац æрцыдысты дунейы бирæ æвзæгтæм. Ирыстоны сабиты онг дæр ахæм адæймаг нæ баззад, кæцы нæ зоны Къостайы æмдзæвгæй иу. Йæ "Ирон фæндыр"- ы рацыды бон бындур æрæвæрдта Ирыстоны бæрæгбонон датæйæн - мадæлон æвзаджы бæрæгбон нысан цæуы 15 майы 2003 азæй фæстæмæ, уыцы бон 1899 азы мыхуыры рацыд æмбырдгонд.
Цхинвалы банысан кодтой Хетӕгкаты Къостайы райгуырӕн бон
© Sputnik / Михаил Авагимов