Хуссарирыстойнаг ленкгæнджытæ æнтыстджын архайд скодтой ерысты Кисловодскы

Sputnik
ЦХИНВАЛ, 20 окт — Sputnik. Хуссар Ирыстоны æвзонг спортсментæ рамбылдтой æртæ сыгъзæрин, æртæ æвзист æмæ иу бронзæ майдан турниры Кисловодскы, фехъусын кодта фæсивæдон политикæ æмæ спорты фæдыл комитеты пресс-службæ.
Хуссар Ирыстоны спортивон кад хъахъхъæдтой тренер Евгения Терлеевайы 16 хъомылгæнинаджы.
Хуссарирыстойнаг ленкгæнджытæ æнтыстджын архайд скодтой ерысты Кисловодскы
Турниры рæстæджы иууыл æнтыстджындæр уыд Цхуырбаты Георгий 11-13 азты кары, уый рамбылдта æртæ сыгъзæрин æмæ иу æвзист майдан.
Кæстæр кары къорды та æвзист æмæ бронзæ майдан рамбылдта Виктория Миславская. Всеволод Винокуров рамбылдта дыууæ æвзист майданы æмæ Вячеслав Винокуров та бронзæ майдан.
Турниры æдæппæт хайад райстой 600 спортсмены бæрц Уæрæсейы регионтæ æмæ Хуссар Ирыстонæй.