ЦХИНВАЛ, 24 окт — Sputnik, Плиты Фатимæ. Хуссар Ирыстоны президент Гаглойты Алан майрæмбоны бабæрæг кодта республикæйы Знауыры район, цы ран цæуынц Стыр Фыдыбæстæйон хæсты цыртдзæвæнты арæзтадон æмæ ретаврацион куыстытæ.
Куыстытæ цæуынц цалдæр мæйы дæргъы проект "Победили вместе"-йы фæлгæтты. Районы æдæппæт реализаци цæуы 14 объекты.
Республикæйы къухдариуæгады делегацийы балцы фыццаг пункт уыд мемориалон комплекс Аунейы хъæуы. Ацы объект сцалцæг кодтой районы къухдариуæгад æмæ хъæуы цæрджыты тыхтæй.
"Тынг аив рацыд" - загъта президент.
Знауыры районы сæргълæууæг Гобозты Алан радзырдта, программæйы райдианы размæ кæй аскъуыддзаг кодтой сæхи тыхтæй сцалцæг кæнын цыртдзæвæн.
Республикæйы æдæппæт программæ "Победили вместе"-мæ хаст æрцыдысты 66 объекты. Уыдон фæнд кæнынц раттын эксплуатацимæ фидæн аз.
Знауыры районы сцалцæг кодтой Стыр Фыдыбæстæйон хæсты мемориал
© Sputnik / Фатима Плиева