ЦХИНВАЛ, 27 окт — Sputnik. Ленк кӕныны турнир "Сыгъзӕрин кӕсаг"-ы ӕхсӕзӕм этап хуыцаубоны фӕцис Спорты галуан "Олимп"-ы. Ерысты хайад райстой 154 спортсмены.
Турниры архайдтой ленкгӕнджытӕ бассейн "Дельфин"-ӕй, Спорты галуан "Олимп"-ӕй, афтӕ ма кӕсӕг-Балхъары минӕвар дӕр.
Турниры хатдзӕгтӕм гӕсгӕ уӕлахиздзаутӕ лӕппуты ӕхсӕн ссисты: Цоциты Хетӕг, Захарты Арсӕмӕг, Болататы Марат, Хабибов Надир, Цхуырбаты Георгий, Уалыты Александр. Чызджыты ӕхсӕн та ерыстӕ рамбылдтой: Къацты Валерия, Коцты Анна, Тасойты Вероника, Пухаты Томирис, Хъуылымбегты София, Тыджыты Диана.