ЦХИНВАЛ, 30 окт - Sputnik. Хуссар Ирыстоны Ӕддагон разысгӕрсты службӕ егъау хайбавӕрд хӕссы республикӕйы ӕдасдзинад ӕмӕ националон интерестӕ хъахъхъӕныны хъуыддагмӕ, фехъусын кодта президент Гаглойты Алан йӕ арфӕйы ныхасы сӕрмагонд службӕйы кусджытӕ ӕмӕ ветерантӕн сӕ профессионалон бӕрӕгбоны цытӕн.
"Уе ‘нтыстджын куыст у бӕстӕйы хӕдбар райрӕзты ахсджиагдӕр гарантитӕй иу. Уӕ куыст домы бӕрзонд курдиат ӕмӕ профессионализм", - банысан кодта паддзахады сӕргълӕууӕг.
Гаглойты Алан уӕлдай бузныджы ныхӕстӕ загъта Ӕддагон разысгӕрсты службӕйы ветерантӕн, уыдон сты ӕцӕг патриотизмы дӕнцӕг.