ЦХИНВАЛ, 3 ноя — Sputnik, Плиты Фатимæ. Хуссар Ирыстоны президент Гаглойты Алан къуырисæры фембæлд республикæйы ахуырад æмæ зонады министр Лолаты Асланимæ.
Министры ныхæстæм гæсгæ, иннæ мыздимæ паддзхадон æвзæгтæ æмæ литературæйы ахуыргæнджытæ райсдзысты уæлæмхас фиддонтæ.
"Республикæйы хицауады рабадтыл фæллойады министрад рахаста уынаффæ ирон æмæ уырыссаг æвзæгтæ æмæ литературæйы ахуыргæнджытæн æрвылмæйон фиддонты фæдыл. Афтæ ма фидар æрцыдысты критеритæ, кæцытæм гæсгæ фиддонтæ æмбæлынц ахуыргæнджытæм. Мах бирæ ныхас кодтам ацы фарстыл, фæлвæрдтам рауæрæх кæнын диапозон, фæлæ уæддæр æрлæууыдыстæм Уæрæсейы цы критери ис, ууыл – 9 сахат æмæ фылдæр къуыримæ", - банысан кодта Лолаты Аслан.
Министр бафтыдта, æнæмæнгхъæугæ бахыгъдтæ кæй æрæмных кодта финансты министрадимæ, æмæ 296 ахуыргæнæджы бæрц райсдзысты сæ фиддонтæ иннæ мыздимæ.