ЦХИНВАЛ, 5 ноя — Sputnik. Хуссар Ирыстоны ӕнӕниздзинад хъахъхъӕнынады министр Наниты Сослан президент Гаглойты Аланимӕ фембӕлды рӕстӕджы ӕрдзырдта Республикон бирӕпрофилон медицинон центры (РБМЦ) кадрты проблемӕйыл.
Наниты Сосланы ныхӕстӕм гӕсгӕ, РБМЦ-ы 199 адӕймаджы сты пенсион кары. Уыдонӕй 111 дохтыры сты 70 азӕй хистӕр.
Министр уӕлдай рахицӕн кодта сывӕллӕтты рынчындоны уавӕр, цы ран дохтырты астӕуккаг кар у 75 азы. Уыимӕ иумӕ Ӕфсӕддон-медицинон академийы ахуыр фесты 586 адӕймаджы, фӕлӕ сӕ бон нӕ бацис куыст ссарын райгуырӕн бӕстӕйы, фехъусын кодта министр.
Гаглойты Алан бахӕс кодта бацӕттӕ кӕнын ӕвзонг специалистты номхыгъд, цӕмӕй бакусой сӕ ӕрыздӕхтыл республикӕмӕ.