ЦХИНВАЛ, 10 ноя — Sputnik, Плиты Фатимæ. Организаци "Ирон Федерация" фæнд кæны ауадзын æхсæнмыггагон интеллектуалон хъæзтытæ брейн-рингы хуызы, цы ран фарстытæ уыдзысты Ирыстоны культурæ, æвзаг, традицитæ æмæ номдзыд гоймæгтæн. Уый тыххæй Sputnik-æн фехъусын кодта Федерацийы разамонæг Цгъойты Таамерлан.
"Мах фæнды, цæмæй формат уа "Что? Где? Когда?" кæнæ брейн-рингы хуызæн. Фарстытæ уыдзысты ирон æвзаг, культурæ, æгъдæуттæ æмæ номдзыд гоймæгты тыххæй. Сæйраг у, цæмæй алцыдæр баст уа нæ адæмимæ, йæ истори æмæ традицитимæ", - банысан кодта Федерацийы разамонæг.
Йæ ныхæстæм гæсгæ, проектыл нырма куыст цæуы. Ныртæккæ специалисттæ кусынц фарстыты базæ саразыныл.
Уымæй дарддæр "Ирон Федерация" цæттæ кæны радон массон мадзал скъоладзаутæн – ерыстæ "Фыдæлты фарн", уыдон ацæудзысты Цæгат Ирыстоны паддзахадон базарадон-экономикон колледжы базæйыл.