ЦХИНВАЛ, 11 ноя – Sputnik, Дзæгъиаты Олег. Ирон спортсменкæтæ Самира Атониева æмæ Хъуылаты Софья рамбылдтой сыгъзæрин майдантæ Европæйы чемпионаты æрыгæтты æхсæн.
Ерыстæ цыдысты Сомихстоны.
Самира Итониева рамбылдта 81 кг уæзы категорийы 17-18 азты кары спортсменкæты æхсæн. Финалы Самира хъуамæ фембæлдаид Моиса Георгианаимæ, фæлæ йæ ныхмæлæууæг травмæйы тыххæй нæ рахызт финалмæ, уый фæдыл сыгъзæрин майданы хицау ссис ирон спортсменкæ.
Хъуылаты Софья та рамбылдта 57 кг уæзы категорийы 19-22 азты кары категорийы. Финалон тохы Софья рамбылдта Марьяна Мулярчикы Беларусийæ 5:0 хыгъдæй.