ЦХИНВАЛ, 11 ноя – Sputnik. Хуссар Ирыстоны ивгъуыд къуыри милици регистраци скодта дыууӕ фыдракӕнды, хъусын кӕны республикӕйы Мидхъуыддӕгты министрады (МХМ) пресс-службӕ.
Милицийы кусджытӕ алыгъуызон ӕхсӕнадон фӕткхӕлдты тыххӕй ӕрцахстой иу адӕймаджы.
Уымæй дарддæр столицæйы мидхъуыддæгты хайады кусджытæ уадзынц басгæрст æнахъомты æхсæн конфликты фæдыл, кæцы æрцыд 9 октябры Цхинвалы ресторантæй иуы. Цауы фæстиуæгæн конфликты хайадисджытæй иу райста буары цæфтæ æмæ йæ бакодтой медицинон уагдонмæ.
Хуссар Ирыстоны фæндæгтыл та иу къуыримæ æрцыд фондз фæндагон-транспортон цауы. Авариты фæстиуæгæн иу адæймаг райста буары цæфтæ.
Паддзахадон автоинспекцийы кусджытæ ивгъуыд къуыри сбæрæг кодтой 277 фæткхалды, дыууæ шофыры фæдыл та сарæзтой административон протоколтæ автотранспорт нозтджынæй скъæрыны тыххæй.