ЦХИНВАЛ, 12 ноя – Sputnik. Цхинвалы сабидон "Золотой ключик" дыццӕджы ссис фӕзуат ирон традицитӕ равдисынӕн.
Сабидоны чызджытӕ равдыстой сӕ кулинарон курдиат. Лӕппутӕ та, фидӕны хъахъхъӕнджытӕ, ӕвзонг натуралистты станцы ахуыргӕнджыты къухдариуӕгады бын куыстой сугӕй фигӕрӕтӕ аразыныл.
Цхинвалы ацыд патриотикон мадзал
© Sputnik
Бӕрӕгбонмӕ ӕрбацыдысты ӕрмӕст сабиты ныййарджытӕ нӕ, фӕлӕ ма сӕрмагонд ӕфсӕддон операцийы хӕстонтӕ дӕр.
Хуссар Ирыстоны историон мысынады центры директор Зассеты Жанна бахахх кодта, ахӕм мадзӕлттӕ ахсджиаг кӕй сты, цӕмӕй рӕзгӕ фӕлтӕр кад кӕна традицитӕ ӕмӕ историйӕн.
Бӕрӕгбоны кӕрон сӕрмагонд ӕфсӕддон операцийы хӕстонтӕн балӕвар кодтой иконӕтӕ, уазджытӕ та ацаходыдтой сабитӕ цы уӕливыхтӕ скодтой, уыдонӕй.