ЦХИНВАЛ, 26 ноя – Sputnik. Уæрæсейы Федералон таможнæйон службæйы разамонæг Валерий Пикалев сæххæст кодта инспекцион балц Хуссар Ирыстонимæ арæныл автомобилон уадзæн пункт "Дæллаг Зæрæмæг"-мæ.
РХИ таможнæйон комитеты пресс-службæйы куыд банысан кодтой, афтæмæй балцы рæстæджы саргъ кодтой Хуссар Ирыстоны таможнæйон органтимæ æмархайды æмвæзадæн æмæ æрдзырдтой уадзæн пункты инфраструктурæйы райрæзтыл.
Стратегион уадзæн пункты куысты оптимизацийы нысанæн арæзт æрцыдысты фондз ног уадзæн хаххы. Афтæ ма ист цæуынц мадзæлттæ фæндагон инфрастуктурæйы цалцæджы фæдыл.
"Уадзæн пункт "Дæллаг Зæрæмæг"-æн ис стратегион нысаниуæг дыууæварсон ахастыты райрæзты. Ног технологитæ æмæ æнгом æмархайды руаджы æххæст цæуы арæны æдасдзинад æмæ арæзт цæуынц комфортон уавæртæ æмбæстæгтæн", - бахахх кодта Валерий Пикалев.
УФ Федералон таможнæйон службæйы разамонæг бабæрæг кодта уадзæн пункт "Дæллаг Зæрæмæг"
© Photo : Таможенный комитет РЮО