ЦХИНВАЛ, 27 ноя - Sputnik. Цӕгат Ирыстоны презентаци скодтой Абайты Васойы лекциты бындурыл чиныг "Рагон ирайнаг ӕвзӕгтӕ ӕмӕ тексттӕ 1982-1984 азты аудиозаписьтӕм гӕсгӕ".
Мадзал ацыд Националон зонадон библиотекӕйы фӕзуатыл.
Чиныг бацӕттӕ кодтой филологон зонӕдты кандидат, профессор Битарты Зоя ӕмӕ филологон зонӕдты кандидат Софья Виноградова.
"Стыр бузныг автортӕн ахӕм куысты тыххӕй. Ахӕм проекттӕ тынг ахсджиаг сты Ирыстоны зонадон ӕмӕ культурон хӕзнатӕ сфидар кӕнынӕн", - банысан кодта республикӕйы сӕргълӕууӕг Сергей Меняйло.
Чиныг рауагътой номдзыд ирон ахуыргонд-лингвист, иранист Абайты Васойы 125 азы юбилеймӕ.