ЦХИНВАЛ, 27 ноя — Sputnik. Цхинвалы Хъайтарты-Тӕболты уынгты алвӕндагыл цыппӕрӕмы райсом 8:10 сахатыл ӕрцыд фӕндагон-транспортон цау.
Мидхъуыддӕгты министрады (МХМ) бӕрӕггӕнӕнтӕм гӕсгӕ, BMW хӕдтулгӕйы шофыр аскъӕрдта светофоры сырх рухсыл ӕмӕ сӕмбӕлд Nissan Dualis ӕмӕ Mersedes-Benz хӕдтулгӕтыл.
Цауы фӕстиуӕгӕн ӕртӕ адӕймаджы буары цӕфтимӕ бакодтой Республикон бирӕпрофилон медицинон центрмӕ.
Аварийы бынаты кусынц барадхъахъхъӕнӕг органтӕ, уыдон бӕрӕг кӕнынц цауы ӕууӕлтӕ.
Цхинвалы сӕмбӕлдысты ӕртӕ хӕдтулгӕйы
© Photo : Пресс-служба МВД РЮО