ЦХИНВАЛ, 12 дек — Sputnik. Хуссар Ирыстоны президент Гаглойты Алан схорзӕхджын кодта "Фыдыбӕстӕ хъахъхъӕнӕгӕн" майданӕй сӕрмагонд ӕфсӕддон операцийы хайадисӕг Дыгъуызты Игоры, хъусын кӕны паддзахады сӕргълӕууӕджы пресс-службӕ.
"Йӕ Райгуырӕн бӕстӕ, наци ӕмӕ мыггагӕн цы ирон аргъ кӕны, уымӕн хъӕуы кад кӕнын. Ирыстон сӕрыстыр у ахӕм хъӕбатыр хӕстонтӕй. Мах уӕм иууылдӕр ӕнхъӕлмӕ кӕсӕм уӕлахизимӕ", - загъта Гаглойты Алан.
Дыгъуызты Игорь бузныг загъта президентӕн хъусдард ӕмӕ иудадзыг ӕххуысы тыххӕй ӕфсӕддонтӕн.