ЦХИНВАЛ, 12 дек — Sputnik. Хуссар Ирыстоны хӕрзарӕзтады кусджытӕ ног азӕй фӕфылдӕр уыдзӕн сӕ мызд 20 проценты бӕрц, фехъусын кодта республикӕйы президент Гаглойты Алан ацы къабазы кусджытимӕ ныхасы фӕстӕ. Хӕрзарӕзтады кусджытӕ бахатыдысты президентмӕ ацы фарстимӕ Цхинвалы Хуыбылты Валерийы номыл парчы куы тезкъо кодта абон райсом, уӕд.
Президенты пресс-службӕ куыд фехъусын кодта, афтӕмӕй хӕрзарӕзтады кусджытӕ радзырдтой президентӕн, сӕ мыздтӕ кӕй нӕ хизынц 2012 азӕй фӕстӕмӕ, уыимӕ иумӕ сӕ куыст у тынг ахсджиаг горӕтӕн.
Президент ныфс радта хӕрзарӕзтады кусджытӕн, ног азӕй йӕ фӕдзӕхстмӕ гӕсгӕ сӕ мызд кӕй фӕфылдӕр уыдзӕн 20 проценты бӕрц, банысан кодтой паддзахады сӕргълӕууӕджы пресс-службӕйы.