ЦХИНВАЛ, 23 дек – Sputnik. Цхинвалы Паддзахадон драмон театры сценӕйыл сбӕрӕг кодтой литературон проект "Дзырд"-ы уӕлахиздзаутӕ ӕмӕ призерты.
Конкурсы ӕрдӕгфиналы хайад истой ӕхсӕз авторы. Жюрийы равзӕрсты фӕстиуӕгӕн финалмӕ ахызтысты ӕртӕ хайадисӕджы.
Призон бынӕттӕ сбӕрӕг кодтой кӕсджыты хъӕлӕскӕнынады руаджы.
Хъӕлӕскӕнынады фӕстиуӕгӕн фыццаг бынат бацахста Къуылыхты Давид ӕмӕ райста ӕхцайы приз 50 мин сомы бӕрц, дыккаг бынатыл ацыд Гаглойты Мария ӕмӕ райста 30 мин сомы ӕмӕ ӕртыккаг бынатыл та ацыд Дзабиты Алина ӕмӕ райста 20 мин сомы.
Ӕрдӕгфиналы аннӕ ӕртӕ хайадисӕгӕн дӕр радтой ӕхцайы премитӕ.