ЦХИНВАЛ, 24 дек – Sputnik, Дзæгъиаты Олег. Хуссар Ирыстоны хицауад хорзыл банымадта 2026-2030 азтæм социалон-экономикон райрæзты паддзахадон программæйы проект.
"Программæ здæхт у республикæйы социалон-экономикон райрæзтæн фидар модель саразынмæ, цæрджыты царды æмвæзад фæхуыздæр кæнынмæ æмæ экономикон потенциалæй эффективондæрæй пайда кæнынмæ", - загъта республикæйы экономикæйы министр Хъотайты Сæрмæт.
Министр бахахх кодта, зæгъгæ, паддзахадон программæ арæзт куы цыд, уæд бахынцыдтой Хуссар Ирыстоны Констицийы уагæвæрдтæ, Уæрæсеимæ хæларад æмæ æмгуыстады фæдыл бадзырд, афтæ ма уый размæ паддзахадон программæйы фæстиуджытæ.
Хицауад æмхъæлæсæй райста ацы программæ æмæ йæ æввахс рæстæджы арвитдзысты парламенты æркастмæ.