ЦХИНВАЛ, 29 дек – Sputnik. Адӕмон фронты цӕгатирыстойнаг активисттӕ арвыстой ногазон гуманитарон уаргъ сӕрмагонд ӕфсӕддон операцийы зонӕмӕ диверсион-разысгарӕн къорд "Алания"-йы хӕстонтӕн, фехъусын кодта республикӕйы сӕргълӕууӕг Сергей Меняйло.
"Республикӕйы цӕрджытӕ активон хайад истой гуманитарон уаргъ ӕмбырд кӕныны хъуыддаджы. Нӕ хӕстонтӕ райсдзысты ӕнӕмӕнгхъӕугӕ ӕрмӕджытӕ: продукттӕ, нуазыны дон, акъоппы цырагътӕ, хостӕ ӕмӕ, кӕй зӕгъын ӕй хъӕуы, арфӕтимӕ фыстӕджытӕ Ирыстонӕй", - ныффыста регионы сӕргълӕууӕг йӕ ТГ-каналы.
Меняйло бафтыдта, зӕгъгӕ, ахӕм инициативӕтӕ ӕвдисынц ирон адӕмы иудзинад.