ЦХИНВАЛ, 19 янв – Sputnik, Дзӕгъиаты Олег. Ирон актер Беройты Егор сӕххӕст кодта сӕйраг фӕлгонц футболы легендӕ Никита Симонянӕн нывонд аивадон киноныв "Золотой дубль"-ы.
Фильм рацӕудзӕн 29 январы. Беройты Егор сӕххӕст кӕндзӕн легендарон советон футболист ӕмӕ тренеры фӕлгонц. Кинонывы архайд уыдзӕн Симоняны тренерон карьерӕйы этапы тыххӕй, Ереваны "Арарат"-ы Советон Цӕдисы чемпионат ӕмӕ Кубок куы рамбулын кодта.
Беройты Егор у номдзыд ирон актер. Артист сӕххӕст кодта сӕйраг фӕлгонцтӕ ахӕм зындгонд фильмты, куыд "Турецкий гамбит", "Адмиралъ" ӕмӕ "Август восьмого".