ЦХИНВАЛ, 23 янв — Sputnik. Хуссар Ирыстоны æхсæзæм хатт хайад райсдзæн хæлцадон продукттæ æмæ нозты егъау æхсæнадæмон равдыст "Продэкспо"-йы. Уый тыххæй фехъусын кодта республикæйы базарадон минæвар Уæрæсейы Таймураз Гогинов.
Ацы аз Хуссар Ирыстон ис 13 бæстæйы сконды, кæцытæн бар ис бавдисын хицæн националон стенд.
Гогиновы ныхæстæм гæсгæ, равдысты фылдæр бæрцæй уыдзæн уæрæсейаг цæрджытæн хорз зонгæ продукци.
Равдысты сæйраг ногдзинад уыдзæн нуазыны дон Highland water-ы презентаци.
"Нæ амалгæнджытæ бацæттæ кодтой уникалон ногдзинæдтæ, кæцытæ фыццаг хатт бавдисдзысты ацы равдысты фæлгæтты", - бахахх кодта базарадон минæвар.
Равдыст цæудзæн 9-12 февралы Мæскуыйы "Крокус Экспо"-йы.