ЦХИНВАЛ, 26 янв - Sputnik, Козаты Диана. Хуссар Ирыстоны премьер-министры хæстæ æххæстгæнæг Тадтаты Дзамболат ауагъта хицауады фыццаг уæрæх рабадт ацы аз. Хицауады сæрдары хæстæ æххæстгæнæг ракуырдта министрты кабинеты уæнгтæй, цæмæй йын бавдисой цыбыры хыгъдлæвæрдтæ фæстаг къуыриты куысты фæдыл.
Афтæ ма Тадтаты Дзамболат бахæс кодта бацæттæ кæныны ивгъуыд азы куысты фæдыл хыгъдлæвæрдтæ 1 февральмæ, цæмæй уый фæстæ бавдисой иумæйаг хыгъдлæвæрд парламентмæ.
Тадтаты Дзамболат ма фехъусын кодта, йæ коллегæтæ æнæмæнг кæй хъуамæ æххæст кæной сæ хæстæ.
"Алкæцы разамонæг дæр хъуамæ зона йæ хæстæ æмæ сæ æнæмæнг æххæст кæна. Алчидæр хъуамæ активон хайад иса хицауады куысты. Алкæмæйдæр курæг дæн, цæмæй уой сæ куысты бынæтты æмæ дзуапп кæной æмбæстæгты куырдиæттыл", - загъта хицауады сæрдары хæстæ æххæстгæнæг.