ЦХИНВАЛ, 27 янв — Sputnik. Цхинвалы милицийы инспектортӕ столицӕйы дыууӕ цӕрӕгӕй райстой дыууӕ цуанон хӕцӕнгарзы бардӕттӕг документтӕ сӕм кӕй нӕ уыд, уый тыххӕй, фехъусын кодта РХИ Мидхъуыддӕгты министрады (МХМ) пресс-службӕ.
Барадхъахъхъӕнджытӕ фехӕлдтӕ сбӕрӕг кодтой профилактикон рейдон мадзӕлтты рӕстӕджы.
"Цхинвалы дыууӕ цӕрӕгӕй райстой дыууӕ цуанон хӕцӕнгарзы бардӕттӕг документтӕ сӕм кӕй нӕ уыд, уый тыххӕй. Афтӕ ма фадыгон инспектортӕ рӕстӕгмӕ райстой Цхинвалы 54-аздзыд цӕрӕгӕй винчестер. Нӕлгоймаг хӕцӕнгарзы хицауы мӕлӕты фӕстӕ нырма нӕ сарӕзта ӕмбӕлон документтӕ", - банысан кодтой уагдоны.
Министрады бахахх кодтой, процедурӕ кӕй сарӕзтой закъоны фӕлгӕтты.