ЦХИНВАЛ, 28 янв — Sputnik. Дзауы районы 2025 азы 2500 цӕрӕджы бафыстой коммуналон лӕггӕдтӕ банкон хайады уылты, фиддонты иумӕйаг суммӕ та рацыд 12 милуан сомы бӕрц, хъусын кӕны банчы пресс-службӕ.
Районон центры хыгъдтӕ фидыны фадат фӕзынд паддзахады сӕргълӕууӕг Гаглойты Аланы фӕдзӕхстӕй. Раздӕр Дзауы районы цӕрджыты хъуыд цӕуын республикӕйы столицӕмӕ, цӕмӕй ӕхгӕной хыгъдтӕ газ ӕмӕ рухсы тыххӕй.
Нацбанчы офисты Дзауы, Знауыры ӕмӕ Ленингоры районты коммуналон хыгъдтӕй дарддӕр ис лӕггӕдты уӕрӕх спектр: гӕнӕн дзы ис бафидын паддзахадон фиддонтӕ ӕмӕ ивартӕ, кредиттӕ, афтӕ ма ӕххӕст кӕнын банкон ӕрвысттӕ.