ЦХИНВАЛ, 28 янв — Sputnik, Плиты Фатимæ. Sputnik-ы пресс-центры ацыд мастер-класс рухстауæн программæ SputnikPro-йы фæлгæтты.
Хуссар Ирыстоны Дзыллон информацийы фæрæзты минæвæрттæ æмæ пресс-службæты кусджытæн лекци ауагъта Sputnik-ы продюсер Алена Рутчина.
Sputnik-ы пресс-центры ацыд мастер-класс
© Sputnik / Михаил Авагимов
Специалисты ныхæстæм гæсгæ, нырыккон инструменттæ фадат дæттынц монтаж кæнын æххæст видеоæрмæджытæ смартфоныл. Ацы нысæнттæн гæнæн ис пайда кæнын уæлæмхасæн VN-æй, кæцыйæн Рутчинайы ныхæстæм гæсгæ, ис уæрæхдæр функционал CapCut-имæ абаргæйæ.
Алена Рутчина ма радзырдта, журналисттæн егъау æххуыс кæй сты нейрохызæгтæ дæр.
Мастер-классы рæстæджы спикер равдыста цæвиттонтæ йæхи профессионалон практикæйæ. Мадзалы хайадисджытæ практикæйыл федтой ног уæлæмхасæнтæ æмæ нейрохызæгты фадæттæ.
Sputnik-ы пресс-центры ацыд мастер-класс
© Sputnik / Михаил Авагимов