ЦХИНВАЛ, 29 янв — Sputnik. Уӕрӕсейы Мидхъуыддӕгты министрады (МХМ) кусджыты къорд райдыдта исын документтӕ уӕрӕсейаг паспорттӕ раттыны фӕдыл, хъусын кӕны Уӕрӕсейы минӕварады пресс-службӕ Хуссар Ирыстоны.
Уӕрӕсейы Федерацийы хицауады уынаффӕмӕ гӕсгӕ, Хуссар Ирыстоны цӕрджытӕй уӕрӕсейаг ӕмбӕстагад кӕмӕн ис, уыдонӕн фадат ис бадзурын уӕрӕсейаг паспорт райсыны фӕдыл Хуссар Ирыстоны территорийыл.
Уӕрӕсейаг паспорт райсыны фӕдыл документтӕ хъӕуы бадӕттын Хуссар Ирыстоны МХМ бӕстыхаймӕ: Мӕскуыйаг микрорайон, Цхуырбаты уынг, 1 "а".