ЦХИНВАЛ, 2 фев - Sputnik. Хуссар Ирыстоны ивгъуыд къуыри милици регистраци скодта цыппар фыдракӕнды, уыдонӕй барадхъахъхъӕнджытӕ раргом кодтой ӕртӕ, хъусын кӕны республикӕйы Мидхъуыддӕгты министрады (МХМ) пресс-службӕ.
"Иу къуыримӕ республикӕйы фӕндӕгтыл ӕрцыд иу фӕндагон-транспортон цаутӕ", - фехъусын кодтой уагдоны.
Министрады бафтыдтой, зӕгъгӕ, Паддзахадон автоинспекцийы кусджытӕ ивгъуыд къуыри сбӕрӕг кодтой фӕндагон змӕлды 234 фӕткхалды, дыууӕ шофыры фӕдыл сарӕзтӕуыд административон протоколтӕ автотранспорт нозтджынӕй скъӕрыны тыххӕй.