ЦХИНВАЛ, 4 фев – Sputnik, Козаты Диана. Хуссар Ирыстоны президенты цур нæлгоймæгты хор фыццаг хатт хайад райсдзæн Гергиты Валерийы Куадзæны Мæскуыйаг фестивалы, фехъусын кодта хоры аивадон разамонæг Къæбысты Сæрмæт.
Куадзæны фестиваль ацы аз цæудзæн 16 апрелæй 9 маймæ.
"Нæ коллективæн ацы фестиваль у тынг егъау цау. Уыдон æрмæст гастрольтæ не сты, фæлæ фадат равдисын нæ хъæздыг культурæ æмæ адæмон музыкæ Уæрæсейы иуыл егъаудæр æмæ нысаниуæгджын фестивальтæй иуы", - радзырдта Къæбысты Сæрмæт.
Йæ ныхæстæм гæсгæ, хоры репертуар арæзт цæуы хъайтарон æмæ ирон адæмон зарджыты бындурыл. Программæйы ма ис уырыссаг æмæ кавказаг адæмон зарджытæ.