ЦХИНВАЛ, 6 фев – Sputnik. Хуссар Ирыстоны Ӕфсӕддон прокуратурӕ бакодта уголовон хъуыддаг республикӕйы Паддзахадон ӕдасдзинады комитеты (ПӔК) Арӕнхъахъхъӕнӕн фӕткдаруаты къорд кусӕджы фӕдыл. Уголовон хъуыддаджы бындуры сты ПӔК-ы басгӕрсты ӕрмӕджытӕ, банысан кодтой цӕстдардон уагдоны.
Фӕдагуырды версимӕ гӕсгӕ, зӕрдӕхсайгӕтӕ пайда кодтой сӕ службӕйон уавӕрӕй ӕмӕ ныффыстой бухгалтерон документты, кӕй балхӕдтой егъау гуырахсты суммӕйӕ базарадон-материалон ӕрмӕджытӕ. Фактикон ӕгъдауӕй та уыцы мулкъ ӕлхӕд не ‘рцыд.
Лӕмбынӕгдӕр ӕмӕ объективон фӕдысгӕрсты нысанӕн арӕзт ӕрцыд фӕдагуырдон-оперативон къорд, уырдӕм бахызтысты Ӕфсӕддон прокуратурӕ ӕмӕ ПӔК кусджытӕ.