ЦХИНВАЛ, 9 фев — Sputnik. Хуссар Ирыстоны столицӕйы зынгсирвӕзты фӕстиуӕгӕн зиан баййӕфта 63-аздзыд нӕлгоймаг, уый ис тынг уӕззау уавӕры, хъусын кӕны республикӕйы Уӕлвӕткон уавӕрты министрады (УУМ) пресс-службӕ.
Ирӕтты уынгыл бӕстыхайы зынгсирвӕзты фӕдыл хъусинаг ӕрбацыд УУМ-мӕ хуыцаубоны 23.25 сахатыл.
Министрады специалисттӕ цауы бынатмӕ куы ӕрбацыдысты, уӕд ссардтой нӕлгоймаджы. Зианбаййафӕджы ӕвӕстиатӕй бакодтой Республикон бирӕпрофилон медицинон центрмӕ.
"Пациентӕн басыгъд йӕ буары 80 проценты бӕрц", - дзырдӕуы Ӕнӕниздзинад хъахъхъӕнынады министрады хъусинаджы.
Ныртӕккӕ нӕлгоймаг ис реанимацион хайады, дохтыртӕ йын йӕ уавӕрӕн саргъ кодтой, куыд иттӕг уӕззау.