ЦХИНВАЛ, 11 фев — Sputnik. Уæрæсейы президент Владимир Путин хорзыл банымадта хъуыды, сæрмагонд æфсæддон операцийы (СÆО) хæстонты кæй æрбаздахынц фæсивæды æфсæддон-патриотикон хъомыладмæ ахуырадон уагдæтты.
Владимир Путин æртыццæджы фембæлд Цæгат Ирыстон-Аланийы сæргълæууæг Сергей Меняйлоимæ. Регионы сæргълæууæг радзырдта президентæн СÆО-йы хæстонтæ æмæ сæ бинонтæн æххуысы тыххæй. Йæ ныхæстæм гæсгæ, Цæгат Ирыстоны арæзт æрцыд ахуырадон программæ СÆО-йы хайадисджытæн, кæцыйы фæстæ уыдон снысан кæнынц скъолаты директорты уынаффæгæнджытæй æфсæддон-патриотикон хъомылады фæдыл.
Владимир Путин бахахх кодта, Цæгат Ирыстоны къухдариуæгад активон куыст кæй кæны уæрæсейаг хæстонтæ æмæ бинонтæн æххуысыл.
Меняйло радзырдта президентæн, республикæйы реализаци кæй цæуынц 32 мадзалы сæрмагонд æфсæддон операцийы хайадисджытæ æмæ сæ бинонтæн æххуысы фæдыл.