ЦХИНВАЛ, 12 фев – Sputnik, Дзæгъиаты Олег. Равдыст "Продэкспо-2026"-йы хæдразмæ Хуссар Ирыстоны сарæзтой æнæкоммерцион организаци "Националон экспортон центр", уый æххуыс кæндзæн бынæттон продукцийы экспортæн, фехъусын кодта Sputnik-ы видеохиды рæстæджы Хуссар Ирыстоны базарадон минæвар Уæрæсейы Таймураз Гогинов.
"Организацийы офис уыдзæн Цхинвалы. Ног организаци базарадон минæварадимæ иумæ ахъаз уыдзæн хуссарирыстойнаг продукцийы экспортæн. Мæ хъуыдымæ гæсгæ, уый сараздзæн хуыздæр уавæртæ æмæ фылдæр мадзæлттæ нæ амалгæнджытæн æххуысæн, цæмæй уыдон рахизой Уæрæсейы Федерацийы базармæ", - фехъусын кодта Таймураз Гогинов.