ЦХИНВАЛ, 12 фев – Sputnik, Дзæгъиаты Олег. Хуссар Ирыстон йæ разы æрывæрдта хæс размæ кæнын экономикæ æмæ æрбаздахын инвесторты, уый фæдыл республикæ хъуамæ йæхи хорз равдыстаид равдыст "Продэкспо-2026"-йы. Уый тыххæй Sputnik-ы видеохиды рæстæджы фехъусын кодта Хуссар Ирыстоны базарадон минæвар Уæрæсейы Таймураз Гогинов.
"Продэкспо" у тынг хорз фæзуат, цы ран мах хъуыддагæй равдисæм нæ фадæттæ. Хуссарирыстойнаг продукци рамбылдта бирæнымæц хорзæхтæ равдысты. Æмæ махæн, кæй зæгъын æй хъæуы, тынг æхсызгон у, ахæм бæрзонд хорзæхтæ кæй райстам", - радзырдта Таймураз Гогинов.
Базарадон минæвар бафтыдта, зæгъгæ, равдысты рæстæджы иууыл нысаниуæгджын цаутæй иу уыд Уæрæсейаг экспортон центры делегаци Хуссар Ирыстоны стенд кæй бабæрæг кодта, уый. Центримæ æмгуыстад райдыдта Хуссар Ирыстоны фыццаг æхсæнадæмон экономикон форумы рæстæджы.