ЦХИНВАЛ, 19 фев — Sputnik. Хуссар Ирыстоны президент Гаглойты Алан хайад райста Æхсæнадæмон фæсивæдон форум "Знание.Герои"-йы бакæныны церемонийы.
Йæ ралæуды паддзахады сæргълæууæг бахахх кодта, зæгъгæ, ахсджиаг у, ацы ран кæй æрæмбырд сты сæрмагонд æфсæддон операцийы хайадисджытæ, орден "Уацамонгæ"-йы кавалертæ. Йæ ныхæстæм гæсгæ, уыдон хъахъхъæнынц иумæйаг Фыдыбæстæйы интерестæ æмæ историон рæстдзинад.
Президент банысан кодта, ацы форум иухаттон цау кæй нæу, фæлæ у Æхсæнад "Зонынад"-имæ системон æмæ дæргъвæтин куысты райдиан. Гаглойты Аланы ныхæстæм гæсгæ, æппæт организацион процедурæтæ фесты, æмæ абоны бонæй Æхсæнад "Зонынад" райдыдта йæ архайд Хуссар Ирыстоны.
"Уый у ахсджиаг къахдзæф гуманитарон æмгуыстады райрæзтæн, ахуырадон æмæ культурон бастдзинад сфидар кæнынæн", - загъта паддзахады сæргълæууæг.
ХУссар Ирыстоны президент стыр бузныг загъта Уæрæсейы президент Владимир Путинæн республикæмæ иудадзыг хъусдард æмæ алыварсон æххуысы тыххæй.