ЦХИНВАЛ, 19 фев — Sputnik. Цхинвалы экономикон фыдракæндты ныхмæ тохы фæдыл фæткдаруаты кусджытæ рейдты рæстæджы сбæрæг кодтой фехæлдтæ дыууæ базарадон объекты, хъусын кæны РХИ Мидхъуыддæгты министрады (МХМ) пресс-службæ.
Уагдоны бæрæггæнæнтæм гæсгæ, дыууæ базарадон объекты оперативон кусджытæ сбæрæг кодтой амалиуæгадон архайд æнæ паддзахадон лицензийæ. Ноджы ма иу дуканийы та милицийы кусджытæ ссардтой энергетикон нозт.
Министрады бафтыдтой, зæгъгæ, фæткхалджыты фæдыл æрмæджытæ барвитдзысты тæрхондонмæ.