ЦХИНВАЛ, 24 фев - Sputnik. Уæрæсейаг æфсæддонтæ радзырдтой сæ интервьюйы Sputnik-æн Украинæйы Гарзджын тыхты фыдракæндтæ, иуыл тæссагдæр дронтæ æмæ хæстон æфсымæрады тыххæй.
"Мæ "Георгиевский крест" райстон 2024 азы. Æз уыдтæн штурмовик, æххæст кодтон хæстон хæс. Хъæдрæбын мах скуынæг кодтам дыууæ украинæйаг хæстоны, иуы та акодтам уацары. Уый фæстæ рабæрæг, æмæ уый хуымæтæг æфсæддон нæ уыд – хæстон уыд Украинæйы сæрмагонд операциты тыхты кусæг, артиллерион хъавæг", - радзырдта сержант Булат Гайсин.
Гайсин Хъайтардзинады орден райста цæрæн пункт ссæрибар кæныны тыххæй.
Уæрæсейаг хæцæнгарз ницæмæй æвзæрдæр у, æмæ цыдæр моментты та хуыздæр у дунеон стандарттæй, банысан кодтой Сæрмагонд æфсæддон операцийы (СÆО) хæстонтæ.
"Мах ахуыр кæнæм знаджы техникæ, сбæлвырд кæнæм, куыд хуыздæр æйæ гæнæн ис скуынæг кæнын. Нæ хæцæнгарз ницæмæй æвзæрдæр у, æмæ цыдæр моментты та хуыздæр у дунеон стандарттæй", - радзырдта Гайсин.
Тохы быдыры абоны бон иуыл тæссагдæр сты FPV-дронтæ, уыдоны развæлгъау сæвæрынц ротацийы маршруттыл.