ЦХИНВАЛ, 27 фев – Sputnik. Хуссар Ирыстоны президент Гаглойты Алан снысан кодта Бæззаты Иналы республикæйы Хъæды хæдзарады фæткдаруаты сæргълæууæгæй. Æмбæлон барамынд мыхуыр æрцыд паддзахады сæргълæууæджы сайтыл.
Бæззаты Инал уыд Цхинвалы районы разамонæг 2022 азы июнæй фæстæмæ.
Бæззаты Инал раивта ацы бынаты Чилæхсаты Таймуразы, кæцыйы Гаглойты Алан суæгъд кодта йæ бынатæй 24 февралы.
Хуссар Ирыстоны хицауады арвыстой отставкæйы январы. Министрты кабинеты ног разамонæгæй 11 февралы снысан кодтой Тадтаты Дзамболаты.