ЦХИНВАЛ, 27 фев – Sputnik. Хуссар Ирыстоны президент Гаглойты Алан снысан кодта Козаты Радионы финансты министры хæстæ æххæстгæнæгæй. Æмбæлон барамынд паддзахады сæргълæууæг бафыста майрæмбоны, 27 февралы.
Уый размæ финансты министры хæстæ æххæст кодта Тыбылты Фатимæ.
"Снысан кæнын Козаты Радионы Республикæ Хуссар Ирыстоны финансты министры хæстæ æххæстгæнæгæй", - дзырдæуы барамынды тексты.
Паддзахады сæргълæууæджы барамынд бахызт йæ тыхы йæ бафысты бонæй.